«Open Doors Engadin» - Stgazis architectonics averts per in e mintgina

Da chasas privatas, hotels enfin ad edifizis da mastergns e construcziuns d'infrastructura – visitaders e visitadras pon visitar gratuitamain las chasas ch’èn normalmain serradas per il public. Experts ed abitants o abitantas da las chasas porschan guidas per promover la cultura da construcziun e la savida architectonica. L'occurrenza promova il dialog tranter indigens, turists ed experts e fa l'architectura accessibla per tuts. L'eveniment vegn sustegnì da partenaris, fundaziuns, donaturs e voluntaris engaschads.

La nova scrinaria a l’ur da Puntraschigna

In da quels ch'avra las portas è Conradin Schwab, ch'è donatur dapli la emprim'ediziun. Sia nova scrinaria sa chatta al ur da Puntraschigna vers il Pass dal Bernina. La chasa fabritgada en lain indigen, chi stad en parada sche ins riva gio pel pass da Bernina. L’edifizi ha dus plauns surterrans ed in sut, e betun è vegni tschernì co material principal. Quai perquai ch'il il terren è gista sper il flum Flaz ch'ha in aut livel da l’aua sutterrana. L'edifizi duai numnadamain avair in tschert pais per ch'el na nauda betg sco ina bartga.

La fatschada è vegnida fatga our da laresch, però grobulan. L’autezza è circa 9 meters, cun ina lunghezza da radond 45 meters ed ina largezza da bundant 18 meters. Ella ha plazza per 23 persunas emploiadas, inclus 4 mainagestiuns e possessurs da la Schwab e partenaris SA.

Suenter be dus onns da planisaziun e fabricaziun è la scrinaria en funcziun dapli il schaner da quest onn. Per mussar a persunas mirvegliusas ed interessadas al fabricat è stà il plan dad avrir in di las portas, uschia che tenor Conradin Schwab èsi stà bun da metter ensemen quest di cun l’Open Doors Engiadina.  

Impressiuns da la vista aint il nov edifizi