Sa tracta qua forsa dad ina fortezza militara, dad in mir da serra u forsa dad in paralavinas. Divers automobilists che van sur il pass dal Güglia fan questa dumonda cun passar da la vart da l’Engiadina vers il Ospizi dal pass.
Sutstaziun electrica da la Repower
Sut quai object cun fatschadas cumplettamain fabritgadas cun crappa natirala sa chattia la sutstaziun electrica che transfurma forza d’auta tensiun en forza da bassa tensiun per lura spartir quella en las vischnancas in Engiadina.
Quests èn objects ch’existan passa 100 onns, perquai èsi impurtant dad avair in’architectura persistenta e che plascha a la populaziun.
Quests èn objects ch’existan passa 100 onns, perquai èsi impurtant dad avair in’architectura persistenta e che plascha a la populaziun.
In project exemplaric per il architect
Hans Jörg Ruch architect da San Murezzan ha gì la pussaivladad da fabritgar questa sutstaziun electrica, per el anc fin oz in dals pli interessants fabricats da sia carriera. Fabritgar in object che s’integrescha cumplettamain cun la natira e cun las muntognas e stà sia intenziun. La sutstaziun è ida en funcziun l’onn 1997.
