Opposiziun encunter 2. chasa da tgira en Engiadin'Ota

A Puntraschigna n'èn betg tuts cuntents cun l'idea da construir ina 2. chasa da tgira a San Murezzan.

rondo Bild in Lightbox öffnen.

Legenda da maletgs: A Puntraschigna datti discussiuns davart l'idea da construir ina 2. chasa da tgira en Engiadin'Ota RTR/V. Rominger

Regula Degiacomi e Martin Aebli Avrir maletg en lightbox.

Legenda da maletgs: Regula Degiacomi, la presidenta da la gruppa da lavur per il project Du Lac (san.) e Martin Aebli, il president commu... RTR/V. Rominger

La cuminanza d'interess per in Puntraschigna vital (IG für ein lebenswertes Pontresina) ed era autras persunas indigenas cumbattan il credit da planisaziun per ina chasa da tgira sin l'areal Du Lac a San Murezzan. La radunanza communala votescha ils 30 da matg davart il credit da 450'000 francs. Il punct dispittaivel è ch'i dat per blers ina colliaziun emoziunala cun la chasa da tgira existenta a Samedan. I dat persunas da Puntraschigna che vulessan pli gugent ir a viver en la chasa da tgira a Samedan e betg en quella che vegniss construida a San Murezzan.

Drovi 2 chasas da tgira?

Dentant vai era per la dumonda sch'i fa senn dad avair 2 chasas da tgira en Engiadin'Ota. La cuminanza d'interess per in Puntraschigna vital argumentescha che 2 chasas da tgira per la regiun chaschunassan dapli custs che be ina chasa da tgira.La cuminanza d'interess vuless perquai ina discussiun da principi avant che votar davart in credit da planisaziun.

Gia ditg gea a sia part vi dal credit da planisaziun da totalmain 2.3 milliuns francs ha Segl. La chasa da tgira sin l'areal Du Lac a San Murezzan è in project da las vischnancas Segl, Silvaplauna, San Murezzan e Puntraschigna.