Siglir tar il cuntegn

Header

cuntegn

Engiadina Organisaturs da La Diagonela cumbattan

La mancanza da naiv en l'Engiadin’Ota fa mal il venter als organisaturs da la cursa da passlung da stil classic sur 65 kilometers, La Diagonela.

Tenor ina communicaziun a las medias lavuran ils organisaturs cun tut las forzas, per pudair manar tras la cursa. Quella è planisada gia la fin d’emna dals 17da schaner.

Naiv frestga manca

Dapi il december sajan els vidlonder da stgaffir ina loipa da reserva, sch'i na vess betg pli da dar naiv natirala fin maximalmain 2 dis avant la cursa. La loipa alternativa fiss en il perimeter da la Plaiv en l’intschess da La Punt, S-chanf e Zuoz. La cursa originala da 65 kilometers manass atras l’Engiadin’Ota cun partenza ed arrivada a Zuoz.

800 curridurs annunziads

Ils organisaturs spetgan 800 curridurs per la cursa La Diagonela. Els fetschian tut per pudair manar atras la cursa che ha lieu per la segunda giada en l’Engiadina. Ina varianta pli curta da la cursa, La Pachifica, maina sur 35 kilometers da Puntraschigna a Zuoz.

RR novitads 21:00

Artitgels legids il pli savens