Suenter l’emprima etappa, cun investiziuns en stanzas per pazients staziunaris sin la 5avla e 6avla auzada, è vegnì lavurà ils ultims dus onns vid novas partiziuns ed ina garascha da dus plauns. En tut investiziuns da 35 milliuns francs.
Pli effizient e pli accessibel
L’access dals pazients a l’ospital a Samedan vegn uss chanalisà. Uschia èn las partiziuns cun autas frequenzas, sco la recepziun da cas urgents e la radiologia nov sin il plaunterren. Percunter èn las partiziuns ambulantas, las salas d’operaziun e la staziun intensiva nov sin l’emprim plaun.
Fin la fin d’avrigl 2022 duain las lavurs da conturn esser terminadas. Per las passa 400 collavuraturas e collavuraturs sco er ils pazients staziunads va a fin ina fasa fitg intensiva cun canera, disturbis e midaments. Grazia a las investiziuns en il bajetg dals onns 70, saja l’Ospital regiunal a Samedan dentant uss pront per fruntar las sfidas dals proxims onns, uschè il directur ad interim Christoph Jäggi.