L’amur per l’Engiadina Bassa ha la Belgia Elke Cloet gia scuvert cun dus onns durant las vacanzas cun sia famiglia en la regiun. Cun 23 onns ha la fisioterapeuta lura decidì che l'Engiadina na saja betg mo pli ses lieu da vacanzas – mabain ses lieu da lavur.
Ussa, 15 onns pli tard, na s'enriclia ella insumma betg da sia decisiun. Per l'ina saja l’Engiadina daventada sia nova patria e per l’autra saja ella dapi il 2009 la manadra da la partiziun da la fisioterapia da l'ospital a Scuol.
RR Telesguard 17:40