Andrea Florineth è oriund da Scuol. Ma era el ha bandunà l’Engiadina – ensemen cun blers auters Engiadinais – suenter la scola en direcziun da la Bassa, per studegiar, lavurar e vesair in auter mund ed avair autras perspectivas che quellas che l'Engiadina porscha.
Sco activ passlunghist ha el però adina gì in stretg contact cun sia patria, il vitg da Scuol. Far sport en la natira è per el e sia famiglia ina gronda passiun.
Dapi dus onns viva Andrea Florineth ensemen cun sia famiglia a Scuol. El ha surprendì ina plazza en l’ospital da Scuol. Sco responsabel per il «controlling» surveglia el las structuras e las partiziuns da l'entir center da sanadad.
A l'indigen modest fa il temperament portugais u talian bain.
Ils collavuraturs da l'ospital vegnan da differents pajais. Per el ha quella constellaziun mo avantatgs. I vegn discutà dir, emoziunal e serius – ma ins sa senta adina sco en ina gronda famiglia.
RR actualitad 07:00