Cumenzà ha tut a Turitg, là ha ella fatg la scolaziun sco tgirunza da malsauns ed emprendì d'enconuscher las structuras bain planisadas dal tipic Svizzer. Quai haja adina fascinà ella. Ch'ella veglia lavurar en Svizra, quai era adina cler per ella. Ma tuttina vuleva ella esser pli datiers a la patria. Uschia ha ella cumenzà a lavurar en l'ospital a Scuol.
«Die Lait san nett»
La glieud en l'Engiadina saja fitg gentila, di Marlies Thanei che sa senta bain en l'ospital. La bella natira e la quietezza stima ella fitg sper la lavur intensiva en l'ospital. L’Engiadina saja daventada ses nov dachasa. Cura ch'il temp permettia, giaja ella tuttina adina puspè a chasa a Mals en il Tirol dal Sid.
RR actualitad 12:00