Siglir tar il cuntegn

Header

cuntegn

Ospital tut persunal Vus Svizzers essas bler memia amiaivels

Sch’i dat in'atgnadad ch’ella na chapescha betg tar ils Svizzers, lura è quai il fatg ch’els na dian bunamain mai, quai ch’els pensan. Ed els na sa dostian era betg, cura ch’i vegnia fatg entiert ad els. Quai di Katja Pöschla ch'è oriundamain da la Germania.

L'atgnadad da betg dir direct quai che disturba, saja tipica per ils Svizzers, descriva la dunna da 37 onns. Ella lavura dapi 11 onns en l'Engiadina en l'ospital regiunal a Samedan sco assistenta en la sala d'operaziun.

Seguida a ses um

Suenter che ses um Sebastian aveva bandunà la Germania causa mancanza da lavur, è Katja Pöschla seguida a ses um en l'Engiadina. Là han omadus chattà plazza e lavuran entant en il sectur da sanadad.

Ragischs en Germania – dachasa en l’Engiadina

Oriundamain deriva la famiglia Pöschla da Berlin. Davent da là era il pèr ì en il nord da la Germania sper la Mar dal Nord a viver e lavurar fin ch'el è vegnì en Svizra. Entant sajan els dachasa en l'Engiadina cun lur figl Dario che ha 6 onns, di Katja Pöschla. La patria restia la Germania. Da quella manchenta la famiglia ina chaussa spezialmain: il ketschup! Quel gustia tut auter en Germania. Perquai hajan las visitas che vegnian en Svizra adina da manar in pèr buttiglias als Pöschlas.

RR actualitad 11:00

Artitgels legids il pli savens