Siglir tar il cuntegn

Header

video
Sanaziun da l'ospizi sin l'Alvra
Or da Actualitad dals 08.11.2018.
laschar ir. Durada: 2 minutas 33 Secundas.
cuntegn

Engiadina Ospizi Alvra – i fa prescha

Suffels da stemprà fin 180 km/h han devastà il tetg da l'ospizi sin il Pass da l'Alvra. Ussa sto quel vegnir refatg avant che l’enviern s’annunzia.

Il vitg da La Punt Chamues-ch ha decis da refar il pli spert pussaivel il tetg dal restaurant sisum il Pass da l’Alvra. La firma per construcziuns en lain, Salzgeber da S-chanf, è vegnida incumbensada cun questa lavur. Durant las proximas duas emnas vegn cuvernà il restaurant ed era la chamona d'alp che sa chatta en vischinanza da l'ospizi.

audio
Saira: Ospizi sin l'Alvra – las lavurs da renovaziun
ord Actualitad dals 08.11.2018.
laschar ir. Durada: 2 minutas 39 Secundas.

Tenor il manader tecnic e selvicultur da La Punt Chamues-ch, Ralf Fluor, quintan ins cun custs da radund 300’000 francs per refar il donn. L’ospizi sin l'Alvra è vegni fabritgà avant 150 onns, sa chatta però anc adina en in bun stadi.

La finamira è d’avrir il restaurant

Actualmain vegnan fatgas mo las lavurs provisoricas. La primavaira èsi previs da far las renovaziuns definitivas. Ils locataris da l'ospizi sin il Pass da l'Alvra vulan avrir il restaurant.

RTR Telesguard 17:40

Artitgels legids il pli savens