Siglir tar il cuntegn

Header

Revisiun Ovras Electricas Engiadina
Legenda: Revisiun Ovras Electricas Engiadina ANR
cuntegn

Ouvras Electricas d'Engiadina In milliun dapli tschains d’aua per chantun e vischnancas

Bunas premissas per las ovras idraulicas han chaschunà meglras cundiziuns per vender la forza electrica.

1'365 milliuns uras/kilowatt energia han las Ouvras Electricas d'Engiadina (OEE) produci l’onn da gestiun 2018/19. La producziun è cun quai stada pli auta che l’onn avant.

Grazia a fitg bunas cundiziuns da tschains ed era causa las mesiras da respargn ha la OEE realisà custs da producziun fitg favuraivels. Cun 4,33 raps per kilowatt/ura èn las ovras stadas ablas da concurrer sin il martgà da forza. Las bunas cundiziuns da producziun han era influenzà ils tschains d’aua. Il chantun Grischun e las vischnancas da concessiun retschaivan 19,5 milliuns francs. L’onn da gestiun 2017/18 eran quai 18,2 milliuns francs.

Il gudogn annual da las Ouvras Electricas d'Engiadina resulta sin 1,845 milliuns francs, l’onn passà eran quai 2,2 milliuns francs.

Gronds projects en lavur

La nova rait da forz’electrica en Engiadina è per part en funcziun, numnadamain il traject da Pradella – Zernez – Ova Spin. Quella tranter Zernez e Bever è entant vegnida realisada e controllada.

La realisaziun dal project da cuminanza En (Gemeinschaftskraftwerk Inn – project cuminaivel tranter las OEE la Tiroler Wasserkraftwerk AG) sa retarda causa lavurs pretensiusas tar l’enchaschament d’aua a Martina. L’avertura è previsa per l’onn 2022. Quest project vegn a custar 600 milliuns Euros.

Per tadlar curt e cumpact:

RTR novitads 17:00

Dapli da Engiadinaavrir la Landingpage

Nach links scrollen Nach rechts scrollen