Siglir tar il cuntegn

Header

Purtret da la centrala. Da vesair èn quatter visurs cun differentas installaziuns avertas.
Legenda: La centrala da controlla a Pradella. Keystone
cuntegn

Ouvras Electricas d'Engiadina OEE stritgan quatter plazzas cumplainas

Las Ouvras Electricas d’Engiadina stritgan a media vista quatter plazzas cumplainas. Ils indrizs tranter S-chanf e Martina vegnivan enfin uss controllads d’ina centrala a Pradella sut Scuol. Quella lavur han las Ovras Electricas d’Engiadina ussa surdà a terzs.

A partir da l'avrigl fan ina centrala da las Ovras electricas Valragn sco er ina centrala da la Repower en il Puschlav quellas lavurs. Quai saja pussibel tras novas tecnologias da surveglianza.

Sco las Ovras Electricas Engiadina scrivan vinavant vegnian las plazzas reducidas u sajan gia vegnidas reducidas, senza relaschar persunal, entras la fluctuaziun normala. Michael Roth conferma dentant ch'era mesiras da spargn sajan stadas ina raschun per la midada. Raschun principala saja dentant tenor el stà ch'i saja adina pli grev da chattar persunal qualifitgà che saja er pront da lavurar da tuttas uras.

Artitgels legids il pli savens

Ir a sanester Ir a dretg