Ina chasa grischa cun ina garascha per maschinas grondas è la chasa dal stradin che ha l’incumbensa da mantegniment da la via chantunala sur il Pass dal Fuorn. Avant passa 50 onns era quella vegnida fabritgada, ma ussa è l’avegnir intschert.
Ina nova e moderna basa a Zernez, adattada al temp d’ozendi avra sias portas l'onn proxim. La “chasa dal weger” sco che quella chasa grischa sin il pass vegn numnada, perda sia incumbensa definitivamain.
Questa basa era vegnida fabritgada ord la zona da fabrica e quai exclusiv sco garascha ed alloschi per il stradin. Tenor il manader da l’Uffizi da construcziun auta, Markus Dünner, n’è ina midada d’utilisaziun betg pussaivla. Unica varianta fiss, sch'ina instituziun publica, sco la vischnanca da Zernez u il Parc Naziunal Svizzer avessan da mussar interess – vender ad in privat n'è betg pussaivel.
Sbuvar – bain pussaivel
Tenor Markus Dünner èsi cler, n’avessan las instituziuns sura menziunadas da mussar interess, na datti betg autras variantas sco da renatiralisar quai ch'ils peradavatns avevan fabritgà e surdar quella plazza puspè a la natira.