Il bogn cuvert ha gia dapi onns da cumbatter cun donns considerabels. Tranter auter donns hai vi da l'isolaziun dal palantschieu, vi da las paraids ed ils tumbins. La sanaziun per meglierar quels donns duai entschaiver mez da l'onn 2024 e cuzzar 13 mais. Durant quel temp vegn il bogn a restar serrà. Custar duessi 8,7 milliuns francs. Tar quels custs vegnan tiers 1.7 milliuns francs per expertisas e lavurs da preparaziun e var 4 milliuns francs per las perditas d'entradas, ha ditg Ramiro Pedretti, il schef da la cumissiun da sanaziun ad RTR.
Il bogn cun spa e center da sport ha avert sias portas avant nov onns ed ha da lez temp custà radund 67 milliuns francs. Mo paucs onns suenter l'avertura han ins lura constatà donns considerabels – ch'èn dentant mai stà in motiv da serrar il bogn. Tgi ch'è responsabel per ils donns n'èn ins fin ussa anc betg sa cunvegnì. Ils custs per la sanaziun, lez duain las interpresas responsablas surpigliar, scriva la vischnanca da San Murezzan.
Or da l'archiv:
