I sa tracta d’in dals pli gronds projects en l’istorgia da las Ovras Electricas d’Engiadina. Durant ils ultims tschintg onns han quellas chavà e mess las lingias da forza electrica sut terra. En tut in project da 100 milliuns francs, realisà ensemen cun la Repower e cun la Swissgrid SA. Quella ha pajà radund la mesadad dals custs.
Legenda:
Radund 1'450 pitgas da lain ed atschal èn svanidas ils ultims tschintg onns tranter La Punt e Pradella.
mad OEE
Pli segir per utilisader ed utschels
Cun metter las lingias sut terra èn er svanidas radund 1’450 pitgas da lain ed atschal tranter Bever e Scuol. Uss n’èn ils fils electrics betg pli periclitads per interrupziuns causa la mal’aura sco ils ultims onns. Ultra da quai na duessi era betg pli dar accidents mortals d’utschels ch’èn vegnids en contact cun la forza electrica.
audio
Per tadlar: curt e cumpact
ord RTR Audio dals 26.04.2022.
laschar ir. Durada: 1 minuta 7 Secundas.