Tras las sanaziuns duain vegnir modernisadas differentas cumponentas dals stabiliments. Vinavant vegn transfurmada la tschiffada Vallember uschia, ch’ils peschs rivan en avegnir libramain da la sbuccada da l’En en la Val Susauna ed enavos.
12,5 milliuns francs
Investì per las lavurs da sanaziun vegnan total 12,5 milliuns francs. Ina part, var 3,5 milliuns francs èn prevesids per la realisaziun d'ina stgala da peschs tar la tschiffada Vallember a Susauna.
Energia electrica per 170'000 chasadas
Cun las trais tschiffadas retiran las ovras electricas mintg'onn passa 800 milliuns uras kilowatt energia electrica. Cun quai pon vegnir furnidas 170 milli chasadas cun forza electrica. L’aua da las trais tschiffadas a S-chanf va en il lai artifizial Ova Spin. Silsuenter vegn l'energia creada en l'ovra electrica Pradella tar Scuol e Martina.