Siglir tar il cuntegn

Header

tschiffadas d'aua emplenidas cun aua
Legenda: Sper la tschiffada «En» vegnan sanadas er las tschiffadas «Vallember» e «Varusch» a S-chanf per total 12,5 milliuns francs. RTR, Selina Camichel
cuntegn

Ovras electricas d'Engiadina Sanaziun da las tschiffadas d’aua a S-chanf ha cumenzà

Oz è stada l’emprima badigliada per las lavurs da sanaziun da las trais tschiffadas da las Ovras Electricas d’Engiadina. Numnadamain vegnan sanadas las tschiffadas a S-chanf a l’En, Varusch e Vallember ch’èn passa 50 onns veglias.

Tras las sanaziuns duain vegnir modernisadas differentas cumponentas dals stabiliments. Vinavant vegn transfurmada la tschiffada Vallember uschia, ch’ils peschs rivan en avegnir libramain da la sbuccada da l’En en la Val Susauna ed enavos.

um manascha in bagger
Legenda: Il president communal da S-chanf, Riet Campell, ha fatg l'emprima badigliada per las lavurs da sanaziun da las tschiffadas d'aua a S-chanf. RTR, Selina Camichel

12,5 milliuns francs

Investì per las lavurs da sanaziun vegnan total 12,5 milliuns francs. Ina part, var 3,5 milliuns francs èn prevesids per la realisaziun d'ina stgala da peschs tar la tschiffada Vallember a Susauna.

Energia electrica per 170'000 chasadas

Cun las trais tschiffadas retiran las ovras electricas mintg'onn passa 800 milliuns uras kilowatt energia electrica. Cun quai pon vegnir furnidas 170 milli chasadas cun forza electrica. L’aua da las trais tschiffadas a S-chanf va en il lai artifizial Ova Spin. Silsuenter vegn l'energia creada en l'ovra electrica Pradella tar Scuol e Martina.

RTR novitads 17:00

Artitgels legids il pli savens

Scrollar a sanestra Scrollar a dretga