Ils «cumüns concessiunaris» da las Ovras electricas d’Engiadina han retratg lur forza durant ils onns 2014 enfin il 2019 la forza sin il martgà liber e betg sur la las Ovras electricas d’Engiadina SA, curt OEE, ma medemamain pretais che quella forza stoppia vegnir furnida sur lur rait, quai tenor ina cunvegna.
L'OEE ha sin quai laschà examinar quella dumonda tar la cumissiun d’electricitad federala ELCOM ed era tar il tribunal administrativ federal. Finalmain han ils «cumüns concessiunaris» recurri tar il tribunal federal. Era quel ha ussa confermà las decisiuns precedentas. Las vischnancas da S-chanf enfin Valsot ston definitivamain pajar per la furniziun sur la rait. Tenor infurmaziuns da la OEE sa tracti qua da radund 8 milliuns francs.
Corporaziun Energia Engiadina sto acceptar decisiun
La decisiun dal Tribunal Federal stoppian els acceptar, uschia il president da la Corporaziun Energia Engiadina, Emil Müller, envers RTR. Uss seguan las tractativas tranter els e las ovras electricas. Sur da dus puncts impurtants stoppian els discutar: l'autezza da l'import e per tge temp che la corporaziun sto pajar enavos. Las ovras electricas discurran qua da sis onns, la corporaziun be dals onns 2016-2019, pia quatter onns.
A partir dal 2020 retiran las vischnancas in Engiadina Bassa puspè la forza danovamain da la OEE.