Siglir tar il cuntegn
cuntegn

Engiadina Ovras electricas Engiadina produceschan dapli energia

Las vischnancas da concessiun en l'Engiadina ed il chantun Grischun han incassà l'onn passà 18,2 milliuns francs tschains d'aua da las Ovras electricas da l'Engiadina OEE. Quai èn bun 2 milliuns francs dapli che l'onn avant.

Il Lago di Livigno
Legenda: Il Lago di Livigno: In dals lieus da producziun d'energia da las Ovras electricas Engiadina. Keystone

L'onn passà han las ovras electricas producì 1,2 milliardas uras kilowatt electricitad. Dapli ch'ils ultims onns, però sut la media dals ultims 10 onns, communitgeschan las ovras cun sedia a Zernez. Ils custs da producziun han pudì vegnir sbassads sin sut 5 raps per ura kilowatt. Suenter ina pli lunga perioda da setgira sajan ils custs ussa puspè levet sut quels dals pretschs per electricitad negoziads als martgads internaziunals.

Las OEE – ina tipica ovra da partenari

Las ovras electricas da l’Engiadina èn ina tipica ovra da partenadi. Talas ovras dattan giu tut lur energia als acziunaris che pajan lura ils custs annuals. Ils pli gronds acziunaris da las OEE èn la BKW a Berna (30%) e l’Alpiq Losanna (22%). Il chantun Grischun tegna 14% dal chapital.

RR novitads 14:00