Siglir tar il cuntegn

Header

Patrick Wegmann e Plinio Meyer davant in screen cun si il logo dal Club da liuns.
Legenda: Crowd funding per la Val Müstair grazia al Club da liuns. Patrick Wegmann (san.) ed il president Plinio Meyer dal Club da liuns Val Müstair. RTR/D. Spinnler
cuntegn

Engiadina Pagina da crowd-funding per la Val Müstair

Il Club da liuns Val Müstair ha lantschà ina plattafurma en la rait per sustegnair projects en Val Müstair.

Il Club da liuns Val Müstair ha mess online in'atgna pagina da crowd-funding. Silla pagina "www.lions-funding-vm.ch" pon ins sustegnair u era inoltrar projects ch'ins less realisar. Ils projects ston avair in connex cun la Val Müstair. Per far vegnir enconuschenta la nova plattafurma vul il Club da liuns Val Müstair trair a niz ils contacts cun auters clubs da liuns sin tut il mund.

3 projects èn gia preschents sin la pagina, tranter auter l'idea da realisar in iert da raiver. La realisaziun da la nova plattafurma da crowd-funding n'ha custà quasi nagut. Il Club da liuns gestiunescha la pagina cun ils projects inoltrads. Quai senza pretender raps per quella lavur.

Artitgels legids il pli savens

Scrollar a sanestra Scrollar a dretga