Sin iniziativa dal chantun Grischun han ins finalmain cuntanschì la finamira da pretender sin nivel naziunal ina prevenziun encunter la palusa bletscha. Radund 25% da las nursas en Svizra èn pertutgadas. Bleras nursas vegnan transportadas sur chantun e vendidas a martgads. Uschia era fin ussa quasi impussibel da diminuir quest'infecziun bacteriala vi dals pes, ina malsogna enorm dolurusa per las nursas.
A partir da l'emprim d'october vegnan uss tut ils purs obligads da controllar la scossa sin la palusa bletscha – e quai avant ch’ella banduna la stalla. La palusa bletscha procura als purs per in donn economic da radund 6,5 milliun francs.
En l'avegnir preves'ins da diminuir la quantitad pertutgada sin sut 1% durant ils proxims 5 onns. Ils custs vegnan repartids tenor ina clav da cumpart tranter ils purs ed il maun public.
Or da l'archiv
