Siglir tar il cuntegn

Engiadina Panas-ch vegn revitalisà

Tranter Scuol e Ramosch survegn la regiun umida Panas-ch nova vita. La regenza grischuna ha approvà il project da revitalisaziun, scriva l'ovra electrica cuminaivla En (GKI).

carta cun l'ovra
Legenda: La revitalisaziun fa part da las mesiras da cumpensaziun per l'ovra electrica communabla En planisada sur cunfin cun l'Austria. RTR

Il project «Panas-ch» fa part da las mesiras ecologicas ch'èn necessarias en connex cun la construcziun da la «GKI» – l'ovra electrica communabla En. La revitalisaziun da la regiun Panas-ch custa tenor schazetgs bun 1 milliun francs. Finanzià vegn il project da la ovra electrica planisada, il fondo naturmade star, las ovras electricas da la Bregaglia ed il chantun Grischun.

Las lavurs cumenzan l'onn che vegn. En in emprim pass vegnan runcads tut ils pumers che n'èn betg tipics per la regiun umida. Suenter vegnan eliminadas las inslas inactivas ed il letg da l'aua vegn auzà.

Las lavurs duain esser a fin il 2021.

GKI

L'ovra electrica communabla En vegn realisada en la regiun da cunfin da la Svizra cun l'Austria – e duai esser per la gronda part sutterran da Martina (Valsot) tras 7 vischnancas da la val da l'En fin en il Tirol.

RR novitads 16:00