Siglir tar il cuntegn

Header

video
San Murezzan beneventa atlets ed atletas cun impediment
Or da Telesguard dals 24.02.2021.
laschar ir. Durada: 3 minutas 38 Secundas.
cuntegn

Parabob San Murezzan «Per mai èn quai las pli bellas cursas da la stagiun»

Durant duas emnas èn ils 17 para-atlets ord 13 differentas naziuns vid il scarsolar cun il bob giu per l’Olympia Bobrun a San Murezzan / Schlarigna. Quai cun sveltezzas da fin 130 km/h, damai il medem tempo sco ils sportists senza impediments. Cumbattì vegn quests dis en la cuppa mundiala e pli tard per il titel da campiunessa e campiun mundial.

Durant las cursas vegn cumbattì per puncts e secundas, sper la pista da bob èn ils para-atlets in'unica gronda famiglia.
Autur: Damian Gianoladirectur Olympia Bobrun San Murezzan
audio
Las occurrenzas da parabob a San Murezzan
ord Actualitad dals 24.02.2021.
laschar ir. Durada: 3 minutas 26 Secundas.

Surtut l’atmosfera saja adina speziala tranter ils atlets, lur gidanters e tut ils emploiads da l’unica pista da glatsch natirala. Tut la squadra sa legra perquai er adina sin il temp cun las squadras dals para-atlets, uschia il manader da gestiun dal pli vegl chanal da glatsch dal mund.

L’unica differenza tranter nus ed ils sportists senza impediment è che nus duvrain ina sutga cun rodas per bandunar il bob en l’arrivada.
Autur: Andreas Kapfingerpara-atlet da l'Austria
um en sutga cun rodas che banduna in bob cotschen
Legenda: L'unic indiz ch'i sa tracta dad atlets cun impediment è savens be la sutga cun rodas. RTR, Dario Müller

En congual cun auters sports plascha als para-atlets surtut ch’els na vegnian betg tractads auter e lur impediment n’è insumma nagin tema durant las cursas, ha suttastritgà l’atlet austriac Hermann Ellbauer. La gronda part dals sportists èn gia stads plirs onns a San Murezzan. Singuls dad els perfin dapi ch’i dat il sport da parabob ch'è naschì avant 10 onns en Engiadina.

RTR actualitad 11:00

Artitgels legids il pli savens

Scrollar a sanestra Scrollar a dretga