Siglir tar il cuntegn

Header

Video
Di decisiv per Parc da natira Biosfera Val Müstair
Or da Telesguard dals 08.01.2020.
laschar ir
cuntegn

Parc da natira Biosfera Val Müstair decida davart contract dal parc

Avant 10 onns è il Parc da Natira Biosfera en Val Müstair vegnì fundà. Mesemna saira decida la radunanza communala Val Müstair davart l'avegnir da quel.

Il contract «charta 2021–2030» sto vegnir prolungà. Quel definescha las finamiras strategicas dal Parc da Natira Val Müstair. Tranter auter n'è l'Uniun da mastergnanza betg cuntenta cun l'actual contract ed ha deponì inqual critica, quai però memia tard.

Critica da vart da l’Uniun da mastergnanza

L'Uniun da mastergnanza crititgescha trais puncts:

  • Il Parc da Natira sa cuntegnia sco in organ da controlla.
  • Il Parc da Natira s'intermettia en dumondas da construcziun.
  • Il Parc da Natira na prendia betg clera posiziun tge che pertutga ils gronds projects «La Sassa e Minschuns».

Parc da Natira Biosfera sa defenda

La populaziun ha gì ils davos dus onns, la pussaivladad da s’exprimer davart il contract existent. Tut las gruppas d’interess han ditg Gea al nov palpiri strategic per ils onns 2021 – 2030. Divers puncts hajan ins resguardà ed auters hajan ins argumentà daco ch'els n'èn betg vegnids integrads, ha ditg David Spinnler, il mainagestiun dal Parc da Natira Biosfera Val Müstair.

Malgrà critica – Uniun mastergnanza sustegn charta 2021–2030

Ma tuttina, era per l’Uniun da mastergnanza e Gastro Val Müstair sa tracti d’in project da grond’impurtanza perquai proponan els da consentir la charta 2021 – 2030.

La radunanza communala è questa saira en Val Müstair.

RTR actualitad 12:00