Siglir tar il cuntegn

Header

video
Parc Naziunal Svizzer: Enviern paradisic per selvaschina
Or da Telesguard dals 29.04.2020.
laschar ir
cuntegn

Parc Naziunal Svizzer Enviern paradisic per selvaschina

La pauca naiv suenter Nadal e las autas temperaturas han procurà per ina leva partenza en la primavaira. Visibel è quai actualmain sin las pradas. Numnadamain vesan ins là blers fastiz da mieurs. Cun quai ch'ellas vivan tranter la vetta da naiv ed il terren, è l’enviern passà stà il paradis per ellas, uschia Hans Lozza, il pledader dal Parc Naziunal Svizzer.

Tras quai ch’il terren n’è betg stà schelà, han las mieurs chattà ragischs per magliar. Quai è per las mieurs bler pli agreabel ch'in enviern senza naiv e cun temperaturas fitg fraidas.
Autur: Hans Lozzapledader Parc Naziunal Svizzer

Las bleras mieurs èn er il motiv ch’ins vesa actualmain er bleras serps cun ir a spass. Nua ch’i dat bleras mieurs datti numnadamain er dapli inimis.

Agricultura patescha

Main plaschair ch’i dat tantas mieurs pudessan avair ils purs. Tras quai ch’ils animals maglian las ragischs da las plantas datti numnadamain er pli paucas plantas e tenor Hans Lozza pudess quai alura dar ina reducziun da la racolta dal fain.

Capricorn e muntanella profitan

muntanella, naiv
Legenda: Las muntanellas èn quest onn vegnidas fitg baud or da lur tannas. MAD, Parc Naziunal Svizzer

Inimi da blera naiv è il capricorn. Quai vesian ins tenor l’expert bain suenter ils ultims dus envierns cun fitg blera naiv. Tenor Hans Lozza saja la populaziun dals capricorns en il Parc Naziunal Svizzer sa diminuida da var 400 capricorns sin 180. Tenor el pudessan l’enviern passà avair survivì puspè dapli ansiels. Er las muntanellas profitan da la pauca naiv.

Sch’i dat bleras lavinas na vegnan bleras muntanellas la primavaira betg pli or da las foras perquai ch'i èn cuvridas cun naiv. Quest onn è quai betg il cas. Las emprimas muntanellas èn numnadamain gia vegnidas ora la fin da mars. Quai è fitg baud.
Autur: Hans Lozzapledader Parc Naziunal Svizzer

RTR actualitad 17:00

Artitgels legids il pli savens

Scrollar a sanestra Scrollar a dretga