Siglir tar il cuntegn

Header

Center dal parc naziunal svizzer, in edifizi quader modern cun trais fanestras sin mintga plan e da mintga vart.
Legenda: Il center dal Parc Naziunal Svizzer a Zernez è in punct pesant en il rendaquint dal parc. MAD / Parc Naziunal Svizzer
cuntegn

Parc Naziunal Svizzer Regiun Malögia vul examinar in sustegn finanzial

Ils presidents communals da la regiun èn sa mussads da principi positiv envers la dumonda da sustegn dal Parc Naziunal.

Decider davart il sustegn e la furma dal Parc Naziunal Svizzer decidan las vischnancas. La conferenza da presidents da la Regiun Malögia ha decidì, da principi da vulair tractar la dumonda per sustegn.

Cun quai è la balla ussa puspè tar il Parc Naziunal che sto far ina dumonda pli precisa ed uffiziala per in sustegn finanzial.

Dumonda pervia da deficit

Dumandà per sustegn ha il PNS las vischnancas da l'entira Engiadina e la Val Müstair, perquai ch'ils rendaquints dals ultims onns han tuts serrà cun in deficit. Quai pervia dad ulteriuras offertas ch'il parc porscha, che n'èn dentant betg prevesidas en la lescha correspundenta. Offertas e lezias damai che na vegnan betg finanziadas tras la Confederaziun.

Il model da finanziaziun proponì prevesa da survegnir sustegn finanzial sur la lescha chantunala davart la protecziun da la natira e da la patria (LNP). Perquai dovri dentant in engaschament finanzial era da la regiun.

RTR novitads 06:00

Artitgels legids il pli savens

Scrollar a sanestra Scrollar a dretga