Siglir tar il cuntegn

Engiadina Parcar a Scuol duess daventar gratuit

A Scuol è vegnida lantschada in'iniziativa per abolir las taxas da parcar. Dacurt è vegnì tramess en mintga chasada in fegl per ramassar suttascripziuns.

Parcadis cun uras da parcar a Scuol.
Legenda: Parcadis cun uras da parcar a Scuol. RTR, G. Luzzi

Il text da l’iniziativa pretenda cleramain che parcar vehichels sin plazzas da parcar uffizialas e marcadas duess daventar gratuit sin tut il territori da la vischnanca da Scuol.

La partenza per las suttascripziuns è stada ils 1 da zercladur 2016 e il termin da scadenza è ils 31 da mai 2017.

Betg deliberar cumplettamain

Sco che Guido Parolini, in dals iniziants, ha ditg saja la situaziun actuala exagerada, dapertut stoppian ins pajar per parcar. Dar liber dal tut na saja dentant er betg realistic, ma la finamira saja da chattar ina soluziun raschunaivla en favur dals indigens e dals giasts.

RR actualitad 07:00