La fin da matg 2020 è scadida la data per inoltrar ina candidatura. Sco ina da las emprimas, è s'annunziada Vera Dillier per il post vacant a San Murezzan. Ella ha dapi 30 onns ils palpiris en il lieu mundan ed è surtut enconuschenta ord las medias sco «lady dal jetset».
Actualmain van tschintg persunas en cursa per il sez vacant en il parlament da San Murezzan:
- Jürg Berger, impressari e cussegliader da fundaziuns
- Martin Binkert, manader tecnic Plazza aviatica Samedan
- Vera Dillier, autura e lady da jetset
- Arno A. Russi, manader da secziun Unia
- Mic Peri Fadri Schneiter, gastronom
Sco quai ch’il chanzlist Ulrich Rechsteiner ha ditg a RTR, vegni a dar ina elecziun a l’urna, perquai ch’il dumber da candidats è pli aut che in. Causa quel fatg, saja uss pussibel da candidar fin tar la votaziun.
Tenor constituziun po uss candidar insatgi fin l’ultim mument avant la votaziun a l’urna.
Cura che la vischnanca da San Murezzan lascha votar davart il sez vacant, na saja dentant anc betg cler. A la suprastanza communala vegnian preschentads ils tschintg candidats en furma scritta en la proxima sesida.
