Parlamentaris en visita a Scuol

Mintga dus onns fan las differentas cumissiuns parlamentarias ina sesida ordaifer Berna. Quai adina a la fin dal temp d’uffizi dal president en carica. Uschia è la la Cumissiun d’instituziuns politicas che Heinz Brand presidiescha stada a Scuol.

Fotografia dals commembers da la Cumissiun d’instituziuns politicas. Bild in Lightbox öffnen.

Legenda da maletgs: Commembers da la Cumissiun d’instituziuns politicas per dus dis en visita a Scuol. RTR, Dario Müller

Igl è usit, che tut ils presidents da las cumissiuns parlamentarias envidan a lur fin d’uffizi ad ina sesida ordaifer en lur patria. Tar la Cumissiun d’instituziuns politicas tutga questa lezia al cusseglier naziunal Heinz Brand.

El ha decidì da terminar ses temp d’uffizi sco president da la Cumissiun d’instituziuns politicas a Scuol, ina regiun ch’el enconuscha oravant tut sco biker.

Betg il plaschair, mabain la lavur stat en il center

Era sche questa sesida è in zic pli speziala e duai tgirar l’amicizia tranter ils parlamentaris èn ils 25 commembers da la Cumissiun d’instituziuns politicas vegnids a Scuol oravant tut per lavurar.

Sin il program stà l’elavuraziun e preparaziun da la lescha davart la protecziun da datas, ina da diversas tematicas che la Cumissiun d’instituziuns politicas tracta en sias sesidas. Autras èn per exempel il dretg constituziunal, il dretg da burgais u il dretg d’asil.

RR actualitad 06:00