Blers han spetgà sin quest mument – oz, ils 4 da zercladur 2019 a las 15:00 han ils responsabels da l'uffizi da construcziun bassa dal district 4 dà l’OK per avrir la barriera dal Pass dal Flüela.
Normalmain po la «Pro Flüela» avrir il Pass dal Flüela durant il mais matg. Quest onn è quai però auter: Il prim da zercladur ha il chantun surpiglià la responsabladad per il pass e lura èsi vegnì fatg in sgol da reco. Peder Caviezel, schef dal servetsch da lavinas, aveva quel di era pruvà da minar las ultimas lavinas – dentant senza success.
La saira dals 3 da zercladur è vegnì decis, da minar ils laviners a moda e maniera convenziunala – cun chargias da dinamit da 4,5 kilos. Il dinamit ha fatg effect e tut ils laviners, ch'eran anc privlus lung la via dal Pass dal Flüela, han pudì vegnir stgargiads.
Igl ha duvrà ditg, ma uss avain nus gudagnà la battaglia
TR Telesguard 17:40