Sin il pass dal Flüela hai dà la mesemna suentermezdi ina collisiun frontala tranter in auto ed in töf. Latiers è il motociclist vegnì blessà grevamain. La Rega ha transportà el en l’ospital chantunal a Cuira. L’automobilist da 52 onns charrava davent da Susch en direcziun dal pass cura ch’el è collidà cun il motociclist che vegniva da surengiu.
Ils pumpiers da Zernez e collavuraturs da l’uffizi da construcziun bassa èn stads en acziun per segirar e rumir ils vehichels. La via sur il pass è perquai stada serrada durant quatter uras.