Las vieutas Chant Sura al Pass dal Flüela pon vegnir sanadas. Quellas na correspundian betg pli a las pretensiuns d'ozendi, scriva la regenza en ina communicaziun a las medias. Las vieutas sajan da la geometria nà insuffizientas ed en in schlet stadi. Ellas duain perquai vegnir bajegiadas ora sin il standard da las vieutas Scuflà Grond. Quellas sa chattan da la vart dal sid dal pass ed èn gia vegnidas sanadas il 2016.
La via dal pass duai sin quest tschancun vegnir schlargiada sin ina ladezza da sis meters. Ils custs totals dal project muntan a 5,72 milliuns francs.
RR novitads 10:00