Siglir tar il cuntegn

Header

audio
Uniun Pro Flüela vul far squitsch al chantun
Or da Actualitad dals 29.12.2023. Maletg: RTR
laschar ir. Durada: 2 minutas 13 Secundas.
cuntegn

Pass dal Flüela La situaziun actuala na cuntenta betg la Pro Flüela

La finamira d’avrir il pass anc avant las festas da Nadal ha fatg naufragi. La societad Pro Flüela giavischa sustegn dal chantun.

Quatter giadas ha la firma incumbensada da la Pro Flüela rumì la via dal Pass dal Flüela. Ma mintga giada haja puspè navì, uschia n’han els betg pudì avrir la via sur ils dis da festa quest onn.

La societad Pro Flüela s’engascha gia dapi onns per ina avertura dal pass. Dapi l’avertura dal tunnel dal Vereina aveva il chantun ordinà da serrar il pass, ma iniziativas e petiziuns han procurà ch'i dettia ina cunvegna. La societad Pro Flüela vegn finanziada per gronda part dal chantun, ma era da singulas vischnancas e per part era da privats.

audio
La situaziun actuala na cuntenta betg a la Pro Flüela
ord Actualitad dals 29.12.2023. Maletg: RTR
laschar ir. Durada: 2 minutas 13 Secundas.

Ina situaziun betg cuntentaivla

Tenor Riet Denoth, in dals suprastants da la societad Pro Flüela prevesan ins da far squitsch sin il chantun per chattar ina meglra soluziun per l'avegnir.

Il pass dal Flüela è impurtant per avair in’ulteriura avaina da trafic cun l'Engiadina e per pussibilitar in access en Engiadina durant 24 uras.
Autur: Riet Denoth Suprastant da la Pro Flüela

Tenor infurmaziuns da la Pro Flüela prevesan ins dad avrir il pass dal Flüela a partir dals 30 da december enfin ils 7 da schaner e lura a partir dal prim da matg 2024.

RTR actualitad 17:00;

Artitgels legids il pli savens