Tenor la Polizia chantunala n'è la via sur il Flüela betg stada charrabla dapi il mardi a bun'ura. Quai pervi d'ina crudada da crappa. Donns da persunas u vi dad autos n'haja dà nagins.
Lavurs d'allontanar crappa
Tenor indicaziuns da l'Uffizi da construcziun bassa sajan vegnids a val radund 12 meters cubics crappa. Ussa vegnian anc ulteriurs 15 fin 20 meters cubics allontanads cun in exchavatur per evitar ulteriuras crudadas. In geolog analiseschia actualmain la situaziun.
En consequenza han dapli automobilistas ed automobilists nizzegià il transport tras il tunnel dal Vereina. A Selfranga hai perquai gì num il suentermezdi da spetgar radund ina mes'ura.