Siglir tar il cuntegn

Header

video
Avertura da la via dal Fuorn sa retarda
Or da RTR dals 24.01.2018.
laschar ir. Durada: 1 minuta 3 Secundas.
cuntegn

Engiadina Pass dal Fuorn – via e rait d'auta tensiun interrutas

Pervia d'ina lavina spontana da la Val Barcli na resta betg be il Pass dal Fuorn anc per plirs dis serrà, era la producziun da forza electrica è restrenschida.

La notg da glindesdi sin mardi è vegnida giu ina lavina spontana en la Val da Barcli. Quella sa chatta sin il Pass dal Fuorn, tranter Zernez ed Ova Spin.

Sco quai ch’il manader da l'uffizi da construcziun bassa en Engiadina Bassa, Jachen Kienz, ha ditg envers RTR sa tractia da la medema lavina ch'è vegnida giu l’onn 1999 ed aveva devastà tranter auter era la lingia d’auta tensiun. Quai è era questa giada stà il cas. Plinavant ha la lavina era demolì parts da la via chantunala.

Cunquai ch’il laviner n'è betg sa svidà dal tuttafatg prevesan ils responsabels da siglientar quella part. Ord quest motiv stoppian ins far quint, ch’il Pass dal Fuorn restia anc per plirs dis serrà, uschia Kienz

Consequenzas per la producziun d'electricitad

Sco quai che las Ouvras Electricas d’Engiadina communitgeschan, haja la distatgada da la lavina era consequenzas sin la producziun d’electricitad. La lavina ha stgarpà ora ina pitga d’auta tensiun e cunquai era destrui la rait d’electricitad. Per il mument è l’ovra electrica Ova Spin perquai ord funcziun. Quai vul dir che las Ouvras Electricas d’Engiadina na pon actualmain betg furnir electricitad sin il martgà svizzer. Il provediment d’electricitad en Engiadina e Val Müstair è dentant garantì.

Ils responsabels èn vidlonder da chattar ina soluziun provisorica, quai che pudess durar plirs dis ed emnas.

audio
Lavinas Segl e Pass dal Fuorn
ord Actualitad dals 23.01.2018.
laschar ir. Durada: 1 minuta 56 Secundas.

RR actualitad 12:00

Artitgels legids il pli savens