Ensemen cun trais collegas charrava il töffist talian la sonda curt avant las 11 dal pass vers Silvaplauna. Tar l’alp da Güglia è el collidà en ina lunga storta sanestra cun la saiv directiva.
Cun grevas blessuras ed en in stadi critic haja la Rega lura transportà l’um en l’Ospital chantunal a Cuira, scriva la Polizia chantunala. Anc la sonda saira saja l’um lura mort en consequenza da sias grevas blessuras.