Siglir tar il cuntegn

Header

center da medias
Legenda: Il center da medias dal final cup mundial da skis a San Murezzan RTR, A. Caprez
cuntegn

Engiadina Passa 440 represchentants da medias al cup mundial da skis

Per il final dal cup mundial da skis a San Murezzan s’han accreditads fitg blers schurnalists. Probablamain en vista al champiunadi mundial da skis proxim favrer in Engiadina.

Cun rapportar da las cursas finalas sin il Munt da San Murezzan/Corviglia, han tant l’organisaziun sco er ils represchentants da medias, occasiun da far emprimas experientschas en vista al grond eveniment dals 6 als 19 favrer 2017.

Nov lieu per center da medias

Per las medias datti sper la purschida d’in pitschen local per lavurar sin la muntogna a Salastrains, er in center da medias en l’Hotel Reine Victoria. Fin uss era il center da medias situà en la chasa da scola entamez San Murezzan.

Cun il nov lieu a San Murezzan-Bagn vuli ina buna logistica. Ils bus da shuttle han da manar la glieud fin tar l’arriv da las cursas da skis a Salastrains e puspè enavos.

adapter
Legenda: In urdegn tschertgà tanter ils schurnalist che n'han betg il medem attatg sco ils svizzers. RTR, A. Caprez

Duas stgatlas plain adapters

Per porscher in servetsch cumplet als schurnalists, è l’organisaziun pronta per tut las eventualitads. Uschia datti en tuts dus centers da medias dus stgatlas cun attatgs ed adapters per gidar or en cas da mancanza. Sco ch’il schef da medias, Daniel Schaltegger ha tradì, na vegnian ils adapters pel pli betg pli returnads, malgrà il deposit ch’ins ha gì da pajar per l’adapter.

Artitgels legids il pli savens

Scrollar a sanestra Scrollar a dretga