Siglir tar il cuntegn

Engiadina Passiun, pazienza e respect – ils criteris per il success

Ses equipament paisa 25 kilos e mintgatant spetga el passa diesch uras sin in animal. Tut quai per avair la fotografia perfetga.

Legende: Video La «Black edition» dal fotograf Claudio Gotsch abspielen. Laufzeit 4:13 Minuten.
Or da Telesguard dals 12.05.2016.
Claudio Gotsch
Legenda: Claudio Gotsch RTR, U.Morell

Claudio Gotsch fotografescha dapi ch’el ha 10 onns

Mintga mument liber investescha el in fotografar selvaschina u cuntradas.

Fotografar è ina part – evaluar las millis da fotos in’autra. La fotografia permettia da vesair detagls particulars, ch’el mai na vesas cun spievlar. Pir in segund, ni in terz sguard tradeschan misteris da la selvaschina – ed uschè s'ha era sviluppada l’idea da la Black Edition.

La Black Edition reducescha il purtret sin l’essenzial – l’animal

L’aspectatur dess uschè emprender ad enconuscher meglier l’animal. Mintga detagl è visibel - e mintga giada sa vesa puspè insatge nov. La realisaziun da la Black Edition dovra dentant ina gronda pazienza. La fotografia vegn elavurada a maun, il conturn da l’animal vegn fatg nair – damai reducì sin l’animal.

Cun la galaria d'art LUMAS da Basilea or'en il mund

La vernissascha è stada in success. Var 120 persunas eran envidadas. Passa la mitad dals purtrets era gia vendids avant la vernissascha. LUMAS è ina schanza per Gotsch: Sin tut il mund datti 40 galarias da LUMAS – Gotsch è damai expost durant il proxim mais perfin in Australia, Londra u Dubai.

Il siemi da Gotsch - in luf u in uors

Ses siemi fissi, da survegnir u in uors u in luf davant l’objectiv per producir cun els ina Black Edition.