Quella cumenza a Tavau, maina sur il pass dal Sertig, la chamona dal Kesch fin a Zuoz entamez la vischnanca. Il segund di cuntinuescha per ils bun 100 participants a Samedan, nua ch’il traject va sur Trais Fluors, Glüna, Piz Nair fin a l’arrivada a Salastrains a San Murezzan. En tut han ils skiunzs da dumagnar radund 57 km e 5’110 meters d’autezza.
Difficil da chattar voluntaris
Per che l’organisaziun da la cursa funcziuna er bain, dovri bun 100 voluntaris lung il traject. Cun quai che l’occurrenza sa cruscha cun ils campiunadis svizzers da skis a San Murezzan, è la tschertga da gidanters daventada pli difficila.
Blers interessents per la cursa
Pagina da la cursa da patruglias da skis
L’interess per la nova cursa è tenor Reto Mattossi dal comité d’organisaziun fitg grond, e correspunda plainamain al trend da quest sport. La patruglia da skis 2015 cumenza ils 27 da mars e dura fin ils 29 da mars 2015.