Pliras giadas il mais datti davent da l’onn che vegn patruglias maschadadas, nua che policists svizzers gidan a la polizia taliana a far controllas sur cunfin e viceversa.
La finamira da la collavuraziun n’è betg sulettamain la segirtad en la regiun da cunfin, mabain er d’avair dapli success en connex cun delicts criminals. La sfida da la collavuraziun è tenor il cumandant da la Polizia chantunala dal Grischun, Walter Schlegel, da scolar ils singuls policists e policistas uschia, ch’els enconuschan oravant tut ils dretgs da l’auter stadi.
Tenor Walter Schlegel è la collavuraziun en las Vals dal Sid dal Grischun be il cumenzament. Ils proxims onns vulan ins alura extender quella.
audio
Saira: Patruglias maschadadas al cunfin dal Grischun dal Sid
ord Actualitad dals 21.11.2019.
laschar ir. Durada: 2 minutas.
RR actualitad 17:00