Pedalar e colliar generaziuns cun ina ricscha

Dapi quest atun han er ils attempads da l’Engiadina la pussaivladad da sa laschar transportar en lieus ch’els n’èn pli buns da cuntanscher sez. Grazia al transport cun velo e charrotscha, guidà da voluntaris, è quai pussaivel.

Otmar Lässer sin ina e-ricscha. Bild in Lightbox öffnen.

Legenda da maletgs: Othmar Lässer preschenta ina da las e-ricschas per l'Engiadina. RTR, Anna Caprez

Durant il viadi cun ina ricscha survegn la glieud pli attempada la pussaivladad da parter regurdientschas da lur istorgia da vita. Normalmain investeschan las chasas d’attempads en ina ricscha, in project che deriva oriundamain dal Danemarc. En tut dettia en Svizra entant radund 30 tocs, 9 da quels er en il Grischun.

La ricscha da davant. Ins ves il banc per seser. Avrir maletg en lightbox.

Legenda da maletgs: Ina da las ricschas per l'Engiadina. RTR, Anna Caprez

Autra situaziun en Engiadina

Cun quai che blers attempads vivan anc en lur dachasa, ha la Pro Senectute gidà a pajar duas ricschas en Engiadina. Sco ch’il manader da la Pro Senecture Grischun dal sid, Othmar Lässer ha declerà, duai la purschida numnadamain er gidar a furmar punts tranter las generaziuns tar glieud che n’è anc betg en ina chasa d’attempads, mabain era betg pli movibla avunda per far excursiuns en vischnanca.

RR actualitad 08:00