Siglir tar il cuntegn
Inhalt

Engiadina Pendiculara San Murezzan – Signal sa retardescha

Cunter il permiss da planisaziun da l'Uffizi federal per il traffic èsi numnadamain vegnì inoltrà trais recurs, quai rapporta la Posta Ladina.

staziun a val da la pendigulara Signal
Legenda: Probabel èn lura passads 17 onns fin che la nova pendiculara da San Murezza a Signal po cumenzar cun il manaschi. RTR

Suenter ina lunga procedura aveva l'uffizi federal dà glisch verda l'avrigl. Ils arguments dals recurrents na sajan betg novs. Tuttina stoppia il cas vegnir tractà da la bell'entschatta, uschia Markus Meili, il mainagestiun da las pendicularas. Tenor Meili po la nova pendiculara uschia sin il pli baud ir en funcziun en tschintg onns, quai suenter ina fasa da planisaziun da 17 onns.

Sin la planisaziun dal territori da l'areal Signal n'hajan ils novs recurs nagin'influenza, uschia il prisident da vischnanca da San Murezzan, Sigi Asprion envers la Posta Ladina. Cun quella aveva il suveran dà la lubientscha per ina nova surbajegiada. Quai il settember avant tschintg onns.

RR novitads 08:00