Siglir tar il cuntegn

Header

staziun da val, pendiculara
Legenda: La pendiculara Signal dal 1972 duai vegnir rimplazzada cun ina pendiculara da cabinas da 10 persunas MAD
cuntegn

Pendiculara San Murezzan Tribunal federal administrativ dat glisch verda per Signal

Il Tribunal federal administrativ dat raschun a l'Uffizi federal da traffic e la vischnanca da San Murezzan en connex cun la nova pendiculara Signal. Ils derschaders da Son Gagl han refusà ils recurs cunter il permiss da construcziun.

Tenor Markus Meili, il directur da l'Engiadina San Murezzan Mountains SA demussa questa decisiun ch’ins haja fatg tut gist ils ultims 10 onns. Uschè ditg sajan ins gia vid planisar da remplazzar la pendiculara Signal – ch'è vegnida construida il 1972 – cun ina pendiculara cun cabinas da 10 persunas.

Suenter che l’Uffizi federal da traffic ha dà il 2018 il permiss da construcziun, avevan vischins inoltrà recurs tar il Tribunal federal administrativ. Perquai ch’ils arguments na sajan betg novs, ha uss pia er quel refusà tut ils recurs.

Ils recurrents pon anc trair vinavant il cas avant Tribunal federal. Sch’il cas na vegn betg tratg vinavant, pon ins tenor Markus Meili cumenzar cun la construcziun da la nova pendiculara l’avrigl 2021.

RTR novitads 11:00

Artitgels legids il pli savens

Scrollar a sanestra Scrollar a dretga