L'areal central dal vegl «Engadinerhof» a Scuol vegn revitalisà cun ina surbajegiada planisada che cumpiglia in hotel cun radund 130 chombras. Quai han communitgà la Halter SA ensemen cun la Pendicularas Scuol SA suenter avair suttascrit il contract da cumpra.
Il project na prevesa betg be in hotel, mabain er abitaziuns per il persunal e abitaziuns gestiunadas turisticamain. Questas duain garantir ina occupaziun durant l'entir onn e porscher pussaivladads da pernottaziun flexiblas.
Integraziun e persistenza
In spazi avert generus e accessibel al public sco er in parcadi sutterran duain colliar l'areal cun il lieu e crear novs spazis libers.
L'intent è da realisar in project integrà e persistent che fa pli attractiv Scuol sco destinaziun da vacanzas e recreaziun a lunga vista.
Cun la suttascripziun da cumpra da l’areal, cumenza la realisaziun dal project che dovra er ina adattaziun da la planisaziun locala. Questa revisiun parziala vul la Halter SA elavurar ils proxims mais ensemen cun la vischnanca da Scuol.
Previs è d’inoltrar la dumonda da construcziun mez dal 2028.
Or da l'archiv
Gia avant 10 onns hai dà in project per in hotel sin quest areal.
Ed anc avant steva sin quest areal il «Engadinerhof».