Siglir tar il cuntegn

Header

cuntegn

Pendicularas Scuol SA Pass per pass als pretschs dinamics

Ils giasts ston er a Scuol sa disar vi da pretschs dinamics. Las pendicularas han instradà ils emprims pass en questa direcziun – introducìds vegnan ils pretschs dinamics sin il december 2023.

Bleras regiuns han gia introducì il sistem dals pretschs dinamics. Eir la regiun da skis a Scuol as prepara per quest pass impurtant. Igl è previs da realisar quest project en vista a la stagiun da skis 2023/24. Scu emprim pass lessan ils responsabels ussa digitalisar lur products e guardar ch’ils giasts s’inscuntran online per cumprar bigliets. Cun questa mesira èsi er previs da calmar la situaziun tar las cassas, en spezial durant ils dis ils pli intensivs da la stagiun auta.

audio
Pendicularas Scuol introduceschan pretschs dinamics
ord Actualitad dals 10.10.2022.
laschar ir. Durada: 2 minutas 52 Secundas.

Martina Hollenstein da nov en il cussegl d’administraziun

En vista a quest process da digitalisaziun ha la radunanza generala elegì da nov en il cussegl d’administraziun Martina Hollenstein, l’anteriura directura turistica en Engiadina Bassa. Ella maina las cumpetenzas en il sectur turistic, dentant er per la realisaziun e l’introducziun da la vendita digitala cun pretschs dinamics, ha ditg il directur Andri Poo. L’introducziun dals pretschs dinamics è planisada per il december 2023.

RTR actualitad 12:00

Artitgels legids il pli savens