Siglir tar il cuntegn

Header

video
Belinda Conradin-Bourgeois e sia pensiun da chauns a Ramosch pateschan
Or da Telesguard dals 05.02.2021.
laschar ir
cuntegn

Pensiun da chauns Da 50 giasts giu sin praticamain 0

Dapi 25 onns maina Belinda Conradin-Bourgeois gia ina pensiun da chauns a Ramosch. Avant la pandemia girava la pensiun fitg bain. Enfin 50 chauns vegnivan il medem mument numnadamain a far vacanzas a Ramosch. Corona ha dentant midà tut per Belinda Conradin-Bourgeois e sia pensiun.

Belinda Conradin-Bourgeois è desperada. Corona ha numnadamain mess en malura tut si’existenza. Sia clientella na va actualmain betg en vacanzas. Ni ils patruns, ni ils chauns. Eran avant corona anc enfin 50 chauns il medem mument en vacanzas a Ramosch, èn quai ussa be anc singuls.

Betg perder la speranza, ma...

Ina situaziun che va sin il viv per la dunna da 65 onns. Planisà era numnadamain da pudair ir en pensiun insacura e vender la pensiun da chauns. Dentant saja l’interess da surprender in hotel senza giasts actualmain fitg pitschen tenor Belinda Conradin-Bourgeois. Ed era las perspectivas per l’avegnir èn pac empermettentas, uschia che la speranza da chattar a temp util ina soluziun è quasi nulla.

RTR Telesguard 17:40

Artitgels legids il pli savens

Scrollar a sanestra Scrollar a dretga