Questa stad ha la vischnanca da Bever survegnì per ses flum – il Beverin – il label «Perla d’aua Plus». Quest label è in premi, ma el oblighescha er. Vul dir, la vischnanca da Bever ha dà a sasezza la lezia da mantegnair il flum uschè oriund sco el è, e da perscrutar tge che viva insumma lung a la riva dal flum Beverin. Quel è scientificamain numnadamain in flatg alv sin la carta Svizra. Il Beverin è unic ed oriund e perquai è el oravant tut per biologs e zoologs magari interessant ed era ina perla.
17 scienziads da l’entira Svizra as han deditgà trais dis als mamifers – ditg pli precis, a las mieurs.
1 / 5
Legenda:
Ils perscrutaders han chattà almain otg differentas razzas da mieurs en la Val Bever.
RTR, Ulrica Morell
2 / 5
Legenda:
Ina da las numerusas traplas ch'èn vegnidas messas en la Val Bever.
RTR, Ulrica Morell
3 / 5
Legenda:
In dals numerus teams ch'han perscrutà ils mamifers en la Val Bever.
RTR, Ulrica Morell
4 / 5
Legenda:
Jürg Paul Müller vid sia lavur da perscrutaziun.
RTR, Ulrica Morell
5 / 5
Legenda:
La trapla vegn preparada cun pavel: strom, in toc mail, pavel da giaglinas e charn zappada.
RTR, Ulrica Morell
