Siglir tar il cuntegn

Header

Navigaziun

cuntegn

Engiadina Persuna sparida en Val Roseg

En la Val Roseg en l'Engiadin'Ota è in um da 42 onns sparì dapi venderdi. Pervi dal privel per las forzas da salvament han ins stuì smetter la tschertga.

Val Roseg
Legenda: MAD, CAS secziun Bernina

Tenor la Polizia chantunala saja l'um sgulà gievgia suentermezdi cun in parasgulader dal Corvatsch en la Val Roseg. Sia finamira era da star sur notg en ina da las grottas en la val e dad ir a pe il venderdi a Puntraschigna. Anc la gievgia saira haja el tramess fotografias ord la grotta. Il proxim di, il venderdi, è el vegnì annunzià sco sparì. Cun sgular sur l'intschess ha la Rega constatà ina lavina ch'ha sutterrà las grottas. La sonda èn quatter spendraders da la secziun CAS Bernina stads al lieu. Perquai ch'il privel per las forzas da salvament è stà memia grond, han ins stuì smetter la tschertga.

RR novitads 06:00