Pervi da lavurs da terzs - Current electric interrut a Sent, Ramosch e Strada

Il venderdi avantmezdi curt suenter las 09:00 hai dà in'interrupziun dal current electric en l'Engiadina Bassa. La lingia da val tranter Ramosch e Martina saja vegnida interruta entras lavurs da construcziun da terzas persunas, communitgeschan las Ouvras Electricas d'Engiadina. Pertutgà da l'interrupziun èn stads ils vitgs Sent, Ramosch e Strada. L'interrupziun haja durà fin las 09:30.