Siglir tar il cuntegn
Bartga cun pestgaders sin il Lej da Segl en l'Engiadina.
Legenda: Pestga cun raits regladas sin il Lej da Segl en l'Engiadina. admin.ch

Engiadina Peschs en l’Engiadina e Puschlav èn sut squitsch

Ils peschs indigens en il Lej da Segl ed il Lago di Poschiavo èn sut squitsch, quai mussa in studi da l’institut d’aua da l’ETH a Turitg.

Ils lais cuntegnian bain bun nutriment per ils peschs, quels sajan però vegnids influenzads fermamain cunquai ch’ins haja mess ora autras sorts da peschs, sco la litgiva d’aual. Analisas geneticas hajan mussà che quest peschs sajan sa cruschads cun ils peschs indigens.

Grondas perditas da la biodiversitad

Quels èn uschia fitg periclitadas ubain svanidas dal tuttafatg. En il lai da Poschiavo è il scarun original dal lai per exempel tant sco svanì. En il Lej da Segl però ha ina populaziun indigena da forellas da la Mar survivì stgars, malgrà la ferm’influenza da las forellas da l’Atlantic.

En il rom dal studi naziunal “Projet Lac” han scienziads intercurì 26 lais en las Prealps. Tut en tut èn vegnidas inventarisadas 60 sorts da peschs.

RR novitads 10:00

Artitgels legids il pli savens