Siglir tar il cuntegn
Inhalt

Engiadina Pia Valär a la fiera da cudeschs per uffants a Bologna

L'illustratura rumantscha Pia Valär dastga sa preschentar cun sias ovras a la fiera da cudeschs d'uffants a Bologna l'auter onn. Quai communitgescha la federaziun svizra da librarists ed editurs da cudeschs.

Pia valär
Legenda: L'illustratura Pia Valär da Zuoz dastga preschentar sias ovras a Bologna. MAD / Lia Rumantscha

La giuria d'experts da la federaziun svizra da librarists ed editurs da cudeschs ha tschernì l'Engiadinaisa Pia Valär ed ulteriurs 25 ulteriuras ed ulteriurs illustraturs svizzers. Els duain represchentar la Svizra a la fiera da cudeschs per uffants a Bologna 2019. Là funghescha la Svizra sco pajais ospitant.

La giuria haja tschernì cun criteris qualitativs, però era cun resguardar las quatter linguas naziunalas. En dumonda èn vegnids illustraturas ed illustraturs ch'han publitgà almain in cudesch ils ultims trais onns.

Pia Valär ha tranter auter illustrà la paraula engiadinaisa «Tredeschin».

RR novitads 20:00